قصه حب انتهت بالخيانه - ازاى اعرف ان صديقي حذفني من الايميل كيف

لانه صديقي وطلب اني اكتبها وانزلها في المنتدى واحولها ملاحظات في الجوال

على شان كذا انا اكتبها ليوسف واذا احد حب يتابع يشرفني

وابطال القصة هم يوسف ومنيرة والقصة بدأت عام 1428 وأنتهت عام 1429 بعد سنةمن العلاقة

وقبل الشروع في القصة سوف اخبركم كيف فضفض لي يوسف عن قصته

في يوم من الايااام وفي الخريف الماضي كنت انا وصديقي الغالي يوسف مسافرين

الى احد الدول العربية وكانت الرحلة من اعداد صديقي يوسف حيث اتصل فيني وطلب مني تجهيز

شنطة السفر والجواز وقال ما اسمح لك انك تعتذر وهذا يومك يا وليد انا محتاج لك مرة وحاس نفسي بموت

قلت له خير يا يوسف ايش فيك سلااامتك يا غالي قال القصة طويلة واذا ركبنا السيارة راح اقولك كل شي

كان صوته صراحة يوحي بالضيق والضجر واحسست من صوته انه فعلا متضايق جدا وقلت فعلا هذا يومك

اذا ما توقف معه اليوم الصداقة مالها اي اعتبار والصديق وقت الضيق

شرعت في اعداد الشنطة والجواز والصراحة ما كان عندي المبلغ الكافي للسفر لانه مفاجئ

وبصراحة استلفت مبلغ من المال الى خروج الراتب واتصلت على يوسف وقلت له ابشر انا جاهز

ودعت امي الغالية نوير وخواتي الغاليات و سافرنا على سيارتي وكان وقتها معي 2002 كامري

وانا والله ما اعرف وين بنروح بس قلت بشوف اخرتها وايش قصته

مسكت الطريق وقلت له يوسف على وين ان شاء الله رايحين قال اي مكان تبي خارج المملكة

طالعت فيه وقلت يوسف ايش فيك كيف ما تعرف وين رايحين وما حددت وجهتك

قال وليد ارجوك انا بختنق ولا تكلمني وخلني بروحي الحين طالعت يوسف

واذا هو يبكي استغربت منه لاني اعرف يوسف انسان لعوب وضحوك ومرح كيف يبكي فعلا

اول مرة اشوفه يبكي من خمس سنوات وحسيت ان الموضوع فيه شي بجد بغيت ابكي

لما طالعت وجهه وهو يصرخ ويقول ارجوك خلني بروحي ودموعه تنزل من عيونه وخاصة انه رجال

والرجال دمعته غالية وما تطلع بسهولة وخاصة من شخص مثل يوسف

انا سكت وقلت له ايش رايك نطلع على سوريا او لبنان ؟؟؟ مارد علي وسكت انا مسكت الخط وكان

نيتي على سوريا واخذني الهم وقلت يا وليد ايش المشكلة الي انت فيها وكيف بتروح مع شخص

ما يطيق يكلم احد وخاصة المسافة طويلة ولكن قلت ربك بيسرها وشغلت المسجل

ورحت افكر في حبيبتي الغالية واقول وينك اشكيلك الحال وتشوفي ايش الي انا فيه

قلت يا يوسف احنا رايحين على سوريا سكت ومارد علي وكان المسكين منكسر خاطره وبس

ساكت ومتلثم في السيارة وكأنه حاب انه ينام خليته براحته

وانا جالس ابدل واغير من شريط الى شريط ابغى بس اغير الجو وصلنا الى حفر الباطن

ومازال هو بس ساكت وجالس يفكر وكأن الدنيا على قلبه وهموم العالم كلها عليه

طلعنا من الحفر الى رفحاء والحين الوقت صار المغرب وقفت وصلينا المغرب والعشاء جمع تقديم

وحسيت انه بعد الصلاة ارتاح ( الا بذكر الله تطمئن القلوب )

ركبنا السيارة وكأنه مرتاح اشوي لكن البكاء مرة مؤثر فيه وباين على عيونه

انا الصراحة كنت افكر ايش فيه ايش حاصل لا يكون اهله فيهم شي او امه او عنده

مشكلة مع احد . انا كنت ابغاه يفضفض لاني انا وهو مرة نرتاح لبعض وما نغبي على بعض شي

وكأننا اخوان نمون على بعض ولكن قلت في نفسي البكاء يخلي الانسان يرتاح

وخليه يجلس مع نفسه ويبكي بكيفه حتى يرتاح واذا حاب يتكلم انا موجود والطريق طويل

والعجلة فيها الندامة وما احب استعجل معاه واطلب منه واجبره على انه يقولي ايش الي حاصل

و لما مشيناا في السيارة متوجهين الى سوريااا

كنت ابصراحة وابيكم تعيشو الجو الي انا عااايشة

اسمع حنين في صدر يوسف وصوت بكاء خفيف ودموع تنزل بس

يحاااول يخفيها عني لكن كااانت واضحة انا ابجد كنت ودي ابكي

من شي اشوفه وشي كسر لي قلبي .. فجاءة يوسف قالي وليد وقف ارجوك

ليش ايش تبي صرخ بوجهي وقال اقولك وقف لوسمحت بسرعة وقفت

وانا ما اعرف السالفة ونزل بسرعة وصار يجري زي المجنون وبعد عن السيارة

و كان يبكي بكاء حااار وجلس وهو يبكي وقال ابعد عني روح للسيارة

انا قربت له وهو يبكي ويقول العبارة هذي ويكررها (( ليش يا منيرة ليش يا منيرة ))

انا لما سمعتها الحين عرفت السالفة وان الموضوع فيه حب وتتش ومشاكل

لكن مو معقولة توصل الامور الى كذا ... قربت له وكاان يبكي وقطع لي قلبي وضميته

على صدري وصرت اقراء عليه بعض الآياات وقلت له استهدي بالله وانا عندك ومستعد لكل شي تبي

لكن خلنا نروح للسيارة ونتفاهم يش الموضوع ونعالج الموضوع رجل لرجل وممكن السالفة فيها

خلط او فيها التباس .... وقفتها على ارجوله وسندته على كتفي وهو شبه منهاار ورحنا للسيارة

وقلت له الحين ابي اعرف ايش الموضوع بالتفصيل الممل .... ممكن انا اقدر اساعدك

عطيته قهوة كنت جايبها معي وقلت له ريح بالك والدنيا ما تستاهل والله انك اتسوي ابنفسك

كذا خاصة انك وراك اهل والبيت قايم عليك .....

شرب قهوته والشاي وانا بصراحة احترق ابي اعرف السالفة وهو فقط ساكت

بعد مدة هدئ الوضع وصار يكلمني عن السالفة وايش حصل بضبط ....

لكن قبل اقول لكم السالفة حاب اني اعطيكم نبذة سريعة عن شخصيات القصة


بحكم علمي بيوسف وما قال لي يوسف عن منيرة ....

من يوسف هذا :

يوسف صديقي منذو 13 سنة ... شاب محترم ومجتهد في عمله وطموح ومكافح ضحوك رقيق المشاعر

او حتى فلم رمنسي محبوب من الجميع وانا احسده حسد الغبطة على محبة الناس له

ولكن هذا ليس بغريب عليه لانه يحمل صفات من الحلم والكرم رغم ما يعيش من الظروف الصعبة

يوسف هذا عااااش انواع الألم والحسرة في شبابه من عمر 13 الى عمر 27 سنة

بسبب طلاق ابوه لوالدته وطردهم من البيت فاضطر الى العمل والدراسة معاً لكي يؤمن العيش الكريم

الى امه واخوته الذي تخلا ابوهم عنهم وكانوا في عنقة

ومع ذلك اصبح لهم الاب والاخ وانا اشاهد كيف كان يتعامل مع اخوته اذا كنت موجود عندهم

وكأنه اب لهم يبتسم ويلاطفهم وكنت اتعجب من هذا الانسان العظيم والذي تحدى كل هذه الصعاب

تخرج من الجامعة رغم عمله وحصل على وظيفه محترمة ولكن للاسف ظروفه لم تساعده على الزواج

بسبب الديون الذي تحملها ....

ومع ذلك كااان كريماً ولم يكن يطلب من احد شي من المال رغم حاجته له

وهذا ما اعجبني فيه عزة النفس والذي لا يعرفه يعتقد انه من الاغنياء

لانه يهتم كثيراً في مظهره وخاصة العطر والسيارة .....

والان نريد ان نتعرف على شخصية منيرة :

طبعاً اذكرها كما قال لي يوسف عنهااا ... يقول جسمهااا شبيه بجسم نور الان

بيضاء شعرها ناعم وطويل ذكية ومزاجيةولكن عصبية جداً بنت عاااشت حياة الترف والنعم

تحب الدلع وتحب الرسائل الغرامية جداً وتحب الاغاني وخاصة خالد عبد الرحمن وراشد الما جد

الحين نبي نعرف كيف صارت العلاقة بينهم :

يقول لي يوسف يا وليد تعرف اني انسان ضحيت واجد من اجل اهلي وكنت لهم الاب والاخ بنفس الوقت

ولم افكر ابداً بنفسي وكنت اعطي دائماً ولم اطلب استنزفت كل حناني وحبي لإخواني من اجل

ان لا يحتاج احد الى شي من العطف وخاصة اخواتي ......

ولهذا وبعد ما عملت لم تساعدني الظروف للزواج بسبب الديون الكثيرة علي

ولهذا كنت محتاج احد يحس فيني احد يحبني احد يسمع لي لاني كنت اعطي دائماً

وكان عندي فراغ عاطفي ولهذا اضطررت ان ابحث عن حبيبة تملئ حياتي وتسمعلي وتعطيني

ما فقدت من الحنان والحب ....

ولهذا صرت ابحث عن العلاقات في الشات لاني لا احب الاسواق وان الحق في بنات الناس

يقول وصرت ادخل الشات وأتعرف ولكن للاسف لم اجد البنت التي ابحث عنهااا

يقول يا وليد اخذت ارقام وكلمت بنات ولكن نفس الشي

لم اجد ما ابحث عنهااا ... والقلب وما يهوى ....

يقول الما سنجر مليان والجوال بس للاسف لازلت ابحث عن هذه الفتاة

وكنت في داخلي احس اني يوم من الايااام سوف اعثر عليهاااا

الى ان جاء هذا اليوم في صيف 1428 ......

يقول لي يوسف مرة كنت طفشان صراحة ودخلت شات

ودخلت روم دكة القصمان يقول فوجدت فتاة وكان النك تبعاها

اسمه قصيمية وافتخر يقول وانا كنت لي منية ان اتعرف

على فتاة من القصيم ومن ديرتي اعرف طبعها وتعرف طبعي

والعادات واحده يقول فطلبتها خاص ولكن للاسف لم تستجيب لي

ويقول وكنت اراقب حديثها في العام واعجبني كثيراً وزاد

اصراري فيها وصرت اكرر الطلب عليها واستميل عطفها في كلمات

رجاء وعطف اخيراً استجابت لي وكانت تتكلم معي بحذر واصرت ان

انزل على العام وقلت لها اني لا اجيد سرعة الكتابة في العام

ولا استطيع ان ابوح لك بكل شي في العام ولا اقدر ان اخذ راحتي

المهم بعد حديث طويل وبعد جهد اعطتني الإميل وكنت كمن يحلم واصبح

حلمة حقيقة واضفتها وخرجنا على الما سنجر ......

ولكن وللاسف صعقتني بقولها ممكن بكرى ما تلاقي نفسك موجود

ياااربي يا فرحة ما تمت .... طيب ليش ايش السبب

هل انا غلطت عليك هل قلت كلام اغضبك ام ماذا ... قالت لا

ولكن لي شخص هو من عمل الإميل وهو غيور ويعرف رقمي السري

واذا شافك راح يحذفك وسواها مع غيرك ... ياربي ايش الحل

ايش العمل ... قلت لها اسويلك ايميل قالت لا ... طيب والحل

قالت مدري قلت لهااا طيب اذا حذفني انتي رجعيني

قالت ما اعرف ...انا من جد انقهرت خاصة ان الفتاة اعجبتني

وخاصة اسلوبها اخيراً قلت لها شوفي بعطيك رقم الجوال

واذا مالقيتي ايميلي عندك ارسلي رسالة وانا ارسل لك الإميل

مرة ثانية لانها تقول لا تعرف كيف تخرج الاميل مرة اخرى

رفضت في البداية اخذ الرقم ولكن انا اصريت عليها وكتبت الرقم

يقول من بكرى ما شفتها في المسن ومن بعده وثلاث ايام

صراحةضاقت علي الارض وحزنت وخلاص اصابني اليأس منها

وكان جوالي في الغرفة ولا احمله معي السوا .... لاني تركت كل

البنات الي عندي من زمان مليت وما لقيت الي تعجبني

وكنت ارمية في الدرج وكل ثلاث ايام اشوف الرسائل او من اتصل

وفي مرة من المرات وانا اشوف الرسائل لقيت رسالة من منيرة

تقول وين ايميلك ابغى اضيفك لان صديقي حذفك ....

يقول فطرت فرح وما صدقت نفسي اتصلت على طول على منيرة

ردت على وتأسفت على حذفي من قبل صديقها وقالت معليش مو بيدي

ولكن ياريت انك تسويلي ايميل خاص منك حتى ما يحذفك مرة ثانية

يقول بسرعة انا سويت الاميل واضفتها عندي .....

وكنا نطلع كل يوم وندردش وقويت العلاقة مرة

وخبرتني انها ما تحب صاحب الاميل ولكن هو يحبها وهي تعتبره

صديق وهو يغار عليها .... وقالت لي انه ما سك عليها صوره ويهددها

ومعه رقم جوالها ومزعجها وتبي الفكه منه لكن خايفه انه يفضحها

يقول يوسف انا عطيتها حل للمشكلة وهي على كلامها طبقتها

وتخلصت من صاحب الايميل ....بعدين اصبحت منيرة تتصل فيني

ولا حظت منها الاعجاب فيني والتعلق واصبحت تتصل فيني كثراً

وتسأل عن حالي وكأني اعرفها من زمان .... من جد اخذت قلبي

بكلامها وضحكها واهتمامها فيني .....

ولكن استغربت منها شي واحد خوفني منها صراحة

اول ما اتعرفت عليها قالت لي ابغى اشوفك واطلع معاك وممكن

نسوي الي نبي .... انا صراحة خفت كيف من اول مرة وقبل

تثق فيني تقول بطلع معاك وخبرتني انها سبق وخرجت مع شخص

اكثر من مرة .... لكن قلت في نفسي ممكن انها جريئة

راحت الايام واصبحت منيرة هي حياتي كلها ... كانت تقولي

لا تطلع ... لا تسافر وكنت اسمع كلامها

كانت تخاف على كأني ذهب وخايفه ينسرق ..... صراحة

عشت احلى ايام في حياتي واحلى حب

وكانت تضحي علشاني بكل شي ...... ولكن كان للاسف

عندها ظاهره غريبة عجيبة وهي كانت تحب انها تعذبني وراها

وتشوفني اتعذب ليش مو عااارف ومع ذلك كانت تحبني وتخاف علي

ولما سئلتها ليش قالت هذا طبع احب اني اعذب الناس وراي

وانا ما اقبل احد انه يمسني في شي

ومن الامور الي كانت تسويها على سبيل المثال ....
ان يوسف يقول ان منيرة تتفنن في تعذيبة ...... ليش لانها

تعشق تعذيب الاشخاص حتى لو كان الحبيب ..... يقول

اني اول ما تعرفت عليها عطتني جوالها السوا .... وكان هو

الصلة الوحيدة بيننا ..... لاننا لا ندخل شات ولا ماسنجر

لاننا خلاص ما نبغى انترنت بعد ان عرفنا بعض وحتى لا يتعرف

احد منا على شخص آخر في النت وتعاهدنا على ذلك .....

يقول وبعد 3 اشهر عطتني رقم جوال اخر ولكن عام

وقالت هذا رقم بنت خالتي .... ولا تتصل فيه ابد

ولكن لو حصل شي لي راح بنت عمتي تتصل فيك ..... يقول يوسف

انا كنت عند وعدي وما اتصلت في الرقم هذا ابد ولكن

بعض المرات يأتي رسائل من الجوال العام من بنت عمتها ....

واسمها .... ( مها ) تقول منيرة تبغاك اتصل فيها

يقول اتصل واجد الرقم السوا مقفل ثم تاتي رسائل من مها

تقول منيرة زعلانة مرة ليش ما تتصل فيها ....

وانا احلف لها وطبعا ما اتصل في مها ولكن فقط ارسل رسالة

اقول فيها اني اتصلت ولقيت الجوال مقفل ......

يقول وشفت العذاب اخيراً ( طلعت قصة الجوال العام ومها )

كلها خدعة وكذب وهي الي ترسل وتتصل والجوال لها بس

كانت تبي تشوف انا احاول اتعرف على مها ...وتبي

تحرق اعصابي ... طبعاً عرفت هذا الشي بعد 7 اشهر من العذاب

وحرق الاعصاب وهي نفسها اعترفت لي بعد ما كشفت لعبتها

ومن حرق الاعصاب عنها لي بعد ... تقول بطلع معاك

وراح انتظرك في المكان الفلاني وهي اصلاً مو ناوية تطلع

واروح وانتظر واحترق واخرتها لما اتصل تقول حصل ظرف

وهي من الاساس تكذب بس حرق اعصاب وتفرح اذا شافتني مقهور

مع العلم انها تحبني موت وانا اعرف هذا الشي

حتى اني مرة سافرت الى منطقة هي قالت لي انها هناك

وابغى اشوفك ورحت وجلست ثلاث ايام كل مرة وعد واخرتها كذب

واكتشف انها اصلاً ما سافرت وانها في القصيم بس تلعب ....

طبعاً انا اسمع يوسف يقص القصة .... واتمنى اني اصدق

كيف مرت عليه هذه الامور وكيف كانت تخدعة وتضحك عليها

ولو كانت تحبة من قلب كيف طاوعها قلبها انها تخليه

يتعذب ويسافر مسافات واخرتها تضحك عليها وكيف هو سامحها

لما عرف انها تكذب ...... طبعاً يقول يوسف

لكن للاسف غصب عني تعلقت فيها وحبيتها ..... ولاني عطتني شي

ما لقيته مع احد في البنات الي اعرف ..... قبل

يقول يوسف وبعد مرور ثمان اشهر على العلاقة ..... شكيت

انها تدخل ما سنجر وكنت اذا احس في شي غالباً يطلع صح

يقول ايش سويت .... ارسلت اضافة من ايميل ثاني

على الايميل الاول الذي قالت لي اول ما تعرفت عليها

يقول وبعد ثلاث ايام افتح ايميلي الجديد واذا هي طالعة

في الما سنجر .... يقول انهرت ما صدقت وقلت مو صحيح

لانها قالت لي اني تركت الايميل هذا وما ادخل الا ايميلك

الي انت سويت .... يقول وقلت في نفسي لازم اني اتاكد

قبل .... قال سلمت عليها وسلمت علي عادي

وتحدثت معها ... وعطتني المعلومات الي عطتني اياها نفسها

اول مرة تعرفت عليها ... يقول مو مصدق حسيت نفسي

صعبت علي معقولة تخوني منيرة ومن وراي وانا وهي

متعاهدين على الوفاء والمحبة الى ان نتزوج كيف تكلم

شخص غيري وتعطيه كل الكلام الي انا سمعتها منها اول مرة

وخاصة اني طلبت جوالها على اني شخص اخر طبعاً مو يوسف

يقول وكانت كاسره الشريحة لاني طلبت منها انها تكسرها

وقالت لهذا الشخص اني كاسرة الشريحة واذا اشتريت وحده

بكرى بعطيك ..... مقعولة يعني مو بس ما سنجر بعد بتكلمة جوال

يقول انا سكرت المحادثة واصابني انهيار لاني مو مصدق

انها راح تخوني بسهولة ...... يقول يوسف

ومن بكرى لما كلمتها جوال قلت لها منيرة بقولك شي

ابغى رايك فيه قالت ايش قلت لها فيه صديق لي يحب

وحده وتحبه لكن للاسف اكتشف انها تخونه في الما سنجر من وراه

يقول .... قالت لازم يتركها لانها خاينه ولو كانت تحبه ما خانته

يقول هي تقول هذا الكلام وانا اتقطع حسرة يعني انتي

الحين تناقضي نفسك وتحكمي على نفسك بنفسك .... يقول

وحبيت اعطيها فرصة وقلت لها هي تحبه وهو يحبها وممكن هي

طفشانة وحابة بس تدردش يقول قالت لا ... الخيانة خيانة

حتى لو دردشة ..... يقول وسكرت جميع الابواب علي

يقول وقلت لها وانا اذرف دمعتي ........ منيرة انا الشخص

الذي يتحدث معك في الما سنجر منذو ثلاث ايام

منيرة ليش تخونيني ايش قصرت فيه معاك ليش كذا تسوين فيني

مو حرام عليك جرحتي قلبي مو تواعدنا على الحب والوفاء والصدق

انا تخليت عن الجميع من اجلك سوا ما سنجر او جوال كلهم تركتهم

علشان عيونك .... وفي الاخير اذا سكرتي مني في الجوال

في الليل تدخلي ما سنجر وبعد كنتي بتعطيه جوالك .....

يقول يوسف انا اتكلم وهي مصدومه ما توقعت ولا واحد في المية

اني انا الشخص الي كلمتها لانها قالت كلااام ما ابغى اقوله هنا

يقول وبعد ما خلصت كلامي قلت لها الي بيني وبيك انتهى

والفراق انتي الي اخترتيه وحكمتي فيه بنفسك

لانك قلتِ في لسانك لو كانت تحبة ما خانته وأنتي خنتيني يا منيرة

يقول مجرد ما خلصت بكت واجهشت في البكاء وجلست

تتوسل وتحلف الايمان في كل شيء ومنها امور خاصة حلفت فيها

لن اقولها لانها سر بيني وبينها .... انها دخلت مرة واحدة فقط وانها

كانت طفشانة وانها وانها .... وقالت خذ الرقم السري

وتاكد بنفسك من الموجودين اذا دخلت هل انا ادخل دائما

وهل انا اتحدث معهم او لا .... وعاهدتني انها خلاص

راح تفتح معي صفحة جديدة وانها معترفه بخطاها معي

وانها تحبني ولا يمكن ان تعيش بدوني .... يقول انا انسان

احب الصفح عن الآخرين وكل شخص يخطئ والعيب ليس

في الخطاء ولكن في الاستمرار فيه ..... وقلت في نفسي

الحب تضحية وهي سبق وعملت لك امور مستحيل احد بيسويها

لك الا انه يحبك .... يقول سامحتها .... ورجعت الايام الخوالي

من جديد ورجعت المياه الى مجاريها ..... الى ان جاء فيه

ذالك اليوم ..... وجدت منيرة تتهرب مني ولا تطيق الكلام معي

وتغضب بسرعة وصار كل اتصالنا هواش ومشاكل حتى اني كنت اكره

الاتصال لانه اصبح ممل جداً وما فيه شي يريح زي اول ....

وقلت في نفسي ممكن عندها مشاكل ممكن نفسيتها تعبانة وانا

لازم اتحملها .... يقول فعلاً جلست شهر ونصف وانا مررة طفشان

من العلاقة والمشاكل التي جاءت بدون سبب او شيء مني

ثم حصل امر خطير جداً لي انا :

وهو اني ذهبت الى دولة اخرى لمدة شهرين من اجل عمل خااااص جداً

لمنيرة ..... وهي سبب هذا العمل وسبب سفري

وتغيبت وذقت التعب والهم والحزن بسبب هذا العمل وتركت اهلي

من اجلها ..... ثم بعد رجوعي اتصلت فيها لاني لم اتصل فيها خلال

الشهرين وهذا على اتفاق مني ومنها اني لا اتصل عليها.....

ولمصلحتها هي اولاً ...... اتصلت وجدت الارقام قد تغيرت

انقهرت انجنيت كيف بحصلها صحيح اعرف بيتهم واعرف مكان عملها

لكن ما ابغى اسبب لها حرج .... وبعد اسبوعين من رجوعي

وانا لم انام ولم اذق طعم النوم ... من التفكير فيها

ويش مسوية الحين .... ثم في يوم من الايام بعد ثلاث اسابيع

ارسلت لي رقم جوالها في الما سنجر عندما علمت اني رجعت من السفر

يقول وبكيت وبكيت لاني لم اصدق انها هي ولم اصدق اني سوف

اخيرا اسمع صوتها مشتاق لها جدا جدا .....

وبعد الحديث والبكاء .... قالت لي يوسف اشكرك وماراح انسى

معروفك لي في قضاء عملي خارج السعودية .... وتغربك وإبتعادك

وانت اثبت فعلاً حبك لي وانا لو بخسرك راح اخسر حياتي معك

وما اعتقد ان شخص راح يسوي الي انت سويته والي انت ضحيته

ولكن يوسف حابة اقولك الامور تغيرت بعدك اشوي

ولازم نبعد عن بعض الايام هذي بس حتى تهدى الامور عندي

لاني عندي مشاكل وجوالي اهلي شاكين فيه .....

يقول انا قلت لها شوفي انا حريص جدا على سمعتك

وعلى عدم حصول مكروه لك بسببي .....

ولكن انا مشتاق لك وبموت لو ما اسمع صوتك قالت انا زيك

ولكن انت صبرت شهرين تحمل اشوي وانا اذا بفضي بتصل عليك

يقول قلت له شوفي طلعي رقم سوا ونتراسل اقلها في

الجوال بس اقلها اطمن عليك يقول رفضت وقالت ما اقدر

يقول استغربت كيف اهلها بيعرفو انه ارسلت لي

وشكيت في الموضوع ..... وقالت بعطيك السوا وبعدين

اتصلت من جوال عام وقالت لي خلاص السوا لا تتصل فيه

لاني احرقت الشريحة نسيت الرقم السري وهذا جوالي العام

ولا تتصل ابد ولا ترسل انا برسل وبتصل .....

يقول وقبلت على مضض وعلى هم وحزن مع ان الموضوع مادخل راسي

لكن بشوف اخرتها وصارت ما تكلمني الا كل ثلاث ايام

او اربع ايام وممكن بس دقيقة او ثلاث دقائق

وكلام عادي جدا ..... وتروح وتجي ولا تقولي وين بتروح

زي اول مشان نلتقي في المجمع او النخيل او جيان

يقول ومرة ارسلت رسالة على السوا وكنت حاط استلام تقرير

وبعد يومين واذا جوالي بيقول الفجر تم التسليم اي

تسليم الرسالة يعني كانت تكذب وما احترقت الشريحة

ولما اتصلت بسرعة واذا الجوال موضوع على خدمة موجود

يقول انهرت بكيت معقولة بعد التضحية وبعد كل شي

اخرتها يطاوعها قلبها وتخوني مرة ثانية وانا

الي ميت عليها ابي اسمع صوتها وتتحجج واخرتها الفجر تفتح

السوا وتكلم غيري اه اه اه اه بموت

بنتحر يا وليد مت انجنيت ليش ايش سويت بس علشان يحصلي كذا

المهم اتصلت عليها في العام وقلت له خلاص يكفي اللعبة انتهت

لكن للاسف خسارة فيك كل شي سويته وانتي للاسف

خليتيني اكره كل بنت على وجه الارض وما اثق في اي بنت

بعدك ..... مو حرام عليك بعد كل الي سويته اخرتها

هذا جزاي تقابليني بالخيانة مع شخص ثاني

لكن للاسف الكلام الحين ما فيه فايدة ..... بكت هي

حاولت لكن خلاص لايمكن اسامحها مرة ثانية .... وبعدها يا وليد

اخذت قلبي ورميته في البحر ..... مع اني للحين ميت فيها

واحبه بجنون لكن للاسف ما اقدر اسامحهالاني سويت

حاجة هي وحدها الي تعرفه ما احد في الدنيا راح يسويه لها

حتى اقرب الناس لها ولي عايش جنبها .....

وكسرت شريحتي وجوالي من القهر .... وعلشان كذا

اتصلت عليك يا وليد لانك احب واعز صديق لي وأنت

الوحيد الي يفهمني وافهمه .... واعرف اني اتعبتك معي

لكن بوعدك بعد سفرنا بتشوف يوسف ثاني

وحياة عنوانها لا لا للبنات في قلبي ........

أنتهت القصة واعتذر من الجميع لان الاسلوب ركيك

واخطاء في الاملاء ..... ولي وقفات في قصة يوسف

وارجو من الجميع ان يكتبوا ما يجدون فيه فائدة

وانا اقول يجب على كل شخص يحب شخص

ان يعرف ان القلوب ليست للعب وليست لتسلية

تقول له احبك ثم بعد فترة تقول والله اكتشفت اني لا احبك

وأني فقط معجب ..... الحب شي جميل ولكن الاجمل الصدق فيه

وانا عن نفسي اقول ..... يا حلاة الحياة بدون علاقات

مع البنات من جد راحة نفسية موت لان الحب

يوم مبسوط وعشر ايام نكد وهموم .....

انتهت القصة وأنتهيت من كتابتها في يوم الثلاثاء